لاہور ( این این آئی ) اہلسنّت وجماعت کی تیس بڑی جماعتوں نے سنی تحریک کے ”روشن پاکستان مارچ “کی حمایت کااعلان کردیا،سنی تحریک کے زیراہتمام کل ( اتوار ) 8مئی کو داتادربارسے پنجاب اسمبلی تک منعقدہونیوالے روشن پاکستان مارچ میں بھر پور شرکت کریں گے۔روشن پاکستان مارچ کی حمایت کرنے والی جماعتوں میں تحفظ ناموس رسالت محاذ،تحریک صراط مستقیم پاکستان،جماعت رضائے مصطفی،جماعت اہلسنّت،عالمی تنظیم اہلسنّت،مرکزی جماعت اہلسنّت،جمعیت علمائے پاکستان(نورانی)، مرکزی جمعیت علمائے پاکستان،تحریک فدایان ختم نبوت،پاسبان اہلسنّت پاکستان، انجمن طلباءاسلام، پاکستان فلاح پارٹی ، سُنی علماءکونسل، تحریک تحفظ اسلام ، اسلامک سٹوڈنٹس فیڈریشن ،تحریک احیائے اسلام ، سُنی یوتھ فورس،بزم سیفیہ محمدیہ پاکستان، منظرالاسلام فاﺅنڈیشن، سنی جمیعت القراءانٹرنیشنل، نعیمین ایسوسی ایشن پاکستان،الغالبون یوتھ ونگ،صفہ سٹوڈنٹس فاﺅنڈیشن، بزم رضاپاکستان،انجمن شیران اسلام ، بزم غوثیہ سلطانیہ ، غوثیہ یوتھ فورس ودیگرشامل ہیں،سنی تحریک کے ترجمان شیخ محمدنوازقادری کے مطابق مذکورہ جماعتوں کے مرکزی اورصوبائی عہدیداروں نے سنی تحریک کے مرکزی رہنمامحمدشاداب رضانقشبندی اورڈویژنل صدرعلامہ مجاہدعبدالرسول سے ملاقات کے دوران روشن پاکستان مارچ کی حمایت اور بھرپورشرکت کی یقین دہانی کرائی۔ رہنماﺅں کا کہنا ہے کہ کرپٹ حکمرانوں کے خلاف تحریک اب فیصلہ کن مرحلے میں داخل ہوچکی ہے،روشن پاکستان مارچ دہشتگردی،مہنگائی،بےروزگاری اور کرپٹ حکمرانوں سے نجات کےلئے اہم سنگ میل ثابت ہوگا،ملک بھرکے علماءومشائخ دہشت گردی اورکرپشن کے خلاف جہدوجہدکے لیے سربراہ پاکستان سنی تحریک محمدثروت اعجازقادری کے ساتھ ہیں۔<