لاہور(نیوز ڈیسک )مال روڈ پر جلسے سے خطاب کرتے ہوئے عمران خان کا کہناتھا کہ اگر تحریک انصاف والوں نے میری کرپشن چھپانے کی کوشش کی تو میں پارٹی چھوڑ دوں گا ۔عمران خان کا کہناتھا کہ انگلینڈمیں ن لیگ کے کارکن میرے بچوں کی نانی کے گھر کے باہر جمع ہو گئے تو بچوں کی نانی نے پوچھا کہ یہ یہاں کیوں آئے تو میں سوچ میں پڑ گیا کہ کیا جواب دوں ،تو میں نے کہا کہ یہ اپنے لیڈر کی کرپشن چھپانے کیلئے آئے ہیں ۔عمران خان نے واضح اعلان کرتے ہوئے کہا کہ اگر تحریک انصا ف والوں نے میری کرپشن چھپانے کی کوشش کی تو میں آپ کو بھی چھوڑ دوں گا اور پارٹی سے الگ ہو جاؤں گا ۔ پاکستان تحریک انصاف کو یکم مئی کے موقع پر حکومت کی جانب سے سکیورٹی خدشات کے پیش نظر فیصل چوک میں جلسہ عام کرنے کی اجازت نہ ملنے کے باوجود عمران خان کے کرپشن کے خلاف جلسہ کرنے کے اٹل فیصلہ نے حکومت کو گھٹنے ٹیکنے پر مجبور تو کردیا مگر اس کے برعکس ضلعی انتظامیہ نے سکیورٹی خدشات کی آڑ میں مال روڈ پر فیصل چوک جانے والے تمام راستے سیل کرکے سکیورٹی کا کڑاپہرہ دیا۔ کنٹرنیروں ، بئیریرز اور خاردارتاریں لگا کر ’’لکشمن ریکھا‘‘پارکرنے کی تمام کوششیں ناکام بنادیں ، مال رو ڈ پر آنے کے 5مخصوص راستوںپر واک تھرو گیٹس لگا کر میٹل ڈیٹکٹر سے بھر پور چیکنگ کے بعداندر داخل ہونے کی اجازت دی عمران خان کے جلسہ عام میں شرکت کرنے والوں کی بڑی تعداد جلسہ گاہ تک نہ پہنچ سکی ،مال روڈ پر گورنر ہاؤس کے باہر سے پولیس نے بیئریرزلگا کر ہرقسم کی گاڑیوں کے علاوہ پیدل جانے والوں کو بھی گزرنے کی اجازت نہ دی ۔ صدر ، دھرمپورہ، باغبانپورہ سمیت شمال الور سے آنے والوں کو بھر پور خواری اٹھانے کے بعد مال روڈ کے راستے پیدل داخل ہوکر ریگل چوک میں لگے واک تھرو گیٹس سے گزر کر مال روڈ پر جلسہ گاہ میں داخل ہونا پڑا، جلسہ گاہ تک پہنچنے کیلئے کئی کلو میٹر کے فیصلے پر گاڑیاں موٹر سائیکلیں اور سواریاں چھوڑ کر پیدل آنا پڑا ۔ تحریک انصاف اور عمران خان کے دیوانے ساری سعوبتیں برداشت کرکے جلسہ گاہ تک پہنچے