اسلام آباد (نیوز ڈیسک) پیپلز پارٹی کے رہنما سابق وزیر داخلہ سینیٹر رحمن ملک نے کہا ہے کہ ڈر ہے پانامہ لیکس کہیںجمہوریت لیکس نہ بن جائے‘ بلاول بھٹو کا وزیراعظم کے استعفے سے متعلق بیان پارٹی پالیسی ہے‘ پانامہ لیکس پر پارلیمنٹ تحقیق کرے ورنہ پارلیمان کو تالا لگا دیں۔ وہ اتوار کو یہاں میڈیا سے گفتگو کررہے تھے۔ انہوں نے کہا کہ اگر میری اور بینظیر بھٹو شہید کی کوئی کمپنی ثابت ہوجائے تو سیاست چھوڑ دونگا۔ پانامہ لیکس پر قانون کے مطابق تحقیقات کرلی جائیں تو معاملہ آگے نہیں جائے گا۔ سڑکوں کی بجائے معاملہ پارلیمنٹ میں حل کیا جانا چاہئے۔ رحمن ملک نے کہا کہ ڈر ہے پانامہ لیکس کہیںجمہوریت لیکس نہ بن جائے‘ بلاول بھٹو کا وزیراعظم کے استعفے سے متعلق بیان پارٹی پالیسی ہے‘ پانامہ لیکس پر پارلیمنٹ تحقیق کرے ورنہ پارلیمان کو تالا لگا دیں