اسلام آباد (نیوزڈیسک) پاناما لیکس ٗ چار سو پاکستانی سیاستدانوں ٗبزنس مینز کی دوسری فہرست ،بڑے بڑوں کے ہوش اُڑ گئے،پاناما لیکس کے حوالے سے چار سو سے زائد پاکستانی سیاست دانوں اور کاروباری شخصیات کی دوسری فہرست نو مئی کو جاری کی جائیگی ٗ صحافیوں کی عالمی تنظیم آئی سی آئی جے کے مطابق پاناما لیکس میں افشا ہونے والی دو لاکھ سے زائد آف شور کمپنیوں کا ریکارڈ جلد آن لائن دستیاب ہو گا ۔ذرائع کے مطابق بیشتر آف شور کمپنیاں پاکستانی کاروباری شخصیات کی ملکیت ہیں جن میں سے زیادہ تر کراچی اور لاہور کے رہائشی ہیں ۔ صحافیوں کی عالمی تنظیم آئی سی آئی جے کے مطابق ایک ایسا ڈیٹا بیس متعارف کرایا جا رہا ہے جس سے موساک فونیسکا میں بے نقاب ہونے والی 2 لاکھ سے زیادہ آف شور کمپنیوں اور ان کے مالکان کا ریکارڈ آئن لائن دستیاب ہو گا ۔ موساک فونیسکا کے 40 سال پر مشتمل ریکارڈ پر مبنی اس ڈیٹا بیس پر 9 مئی سے سرچنگ کی جا سکے گی ۔ تنظیم کے مطابق صارفین کو منتخب معلومات تک رسائی دی جائیگی ۔