پشاور(نیوزڈیسک)پاک چین اقتصادی راہداری کیخلاف خیبرپختونخوا حکومت کی آل پارٹیز کانفرنس کے فیصلے نے پاکستان اورچین میں ہلچل مچادی، خیبر پختونخوا حکومت کے زیراہتمام آل پارٹیز کانفرنس میں سی پیک کے مشرقی روٹ کے لیے زمین نہ دینے کا فیصلہ کیاگیا ہے ،اسمبلی میں دوسری قرار داد بھی پیش کی جائیگی صوبائی حکومت کی سی پیک میں تحفظات کے حوالے سے آل پارٹیز کانفرنس منعقد ہوئی ،کانفرنس کی صدارت وزیر اعلیٰ خیبر پختونخوا پرویز خٹک نے کی ،اس موقع پر تحریک انصاف کے چیئرمین عمران خان بھی موجود تھے ، ذرائع نے بتایا ہے کہ کانفرنس شریک تمام سیاسی جماعتوں نے مشرقی روٹ کے لیے زمین نہ دینے کا فیصلہ کیا جبکہ خیبر پختونخوا اسمبلی میں دوسری قرار داد لانے کا فیصلہ بھی کیا گیاہے،کانفرنس میں صوبائی حکومت کو سیکشن 4نافذ کرنے کے اختیارات بھی دیئے گئے،سیکشن فور کے نفاذ کے بعد متعلقہ زمینوں پر تعمیراتی کام نہیں کیا جا سکے گا،اے پی سی میں مسلم لیگ (ن ) کی جانب سے کسی بھی نمائندے نے شرکت نہیں کی ،کانفرنس میں جے یو آئی کے محمودخان بیٹنی،اے این پی کے سردارحسین بابک اور پی پی پی کے محمد علی شاہ باچا سمیت اتحادی جماعت قومی وطن پارٹی کی انسیہ زیب اور جماعت اسلامی کے عنایت اللہ بھی شریک ہوئے ۔ذرائع کے مطابق دوست ملک کی جانب سے بھی اس معاملے پر مسلسل تشویش کا اظہار کیاجارہا ہے اور پاکستان کی حکومت کو بارہا یاد دہانی کروائی گئی ہے کہ پاک چین اقتصادی راہداری پراختلافات کا جلد از جلد خاتمہ کیاجائے۔