اسلام آباد(نیوز ڈیسک )تحریک انصاف (کل ) اتوار کو اپنی طاقت کا مظاہرہ کریگی ،یوم تاسیس کے جلسے کے لئے ایف نائن پارک میں پنڈال سج گیا ،ملک بھر سے ہزاروں کی تعداد میں کارکنان شرکت کرینگے ، پولیس نے سیکیورٹی انتظامات کو حتمی شکل دے دی ہے ، ریڈ زون کو سیل کر دیا گیا ہے ، ایف نائن پارک میں انتظامیہ نے کنٹرول روم قائم کر دیا،ایف سی اور رینجرز کے دستے پولیس کی معاونت کرینگے ، ریڈ زون کی عمارتوں کی سیکیورٹی پاک فوج کے سپرد ہو گی، ہفتہ کو پاکستان تحریک انصاف کے یوم تاسیس کے موقع پر منعقد ہونے والے جلسے کے سیکیورٹی انتظامات کا جائزہ لینے کے لئےآئی جی طارق مسعود یاسین ، ڈپٹی کمشنر کیپٹن ریٹائرڈ مشتاق احمد ، ایس ایس پی ساجد کیانی اور دیگر افسران نے ایف نائن پارک کا دورہ کیا اور سٹیج سمیت پنڈال اور اس کے ارد گرد کے علاقیمیں کئے گئے سیکیورٹی انتظامات کاجائزہ لیا ، آئی جی پولیس نے سیکیورٹی کو فول پروف بنانے کی ہدایت کی اور تحریک انصاف کو ہر حال میں جلسے کے انعقاد کے لئے پولیس اور انتظامیہ سے کئے گئے معاہدے کی پاسداری کرنے کا کہا ، دوسری طرف انتظامیہ نے ایف نائن پارک میں کنٹرول روم قائم کر دیاہے جہاں سے کلوز سرکٹ کیمروں سے جلسے گاہ اور اس کے ارد گرد کے علاقے کی نگرانی شروع کر دی گئی ہے کنٹرول روم کے انچارج اے ڈی سی جی عبدالستار عیسانی ہونے گے یہکنٹرول روم جلسے کے اختتام تک جلسے کے شرکاء کی نگرانی کریگا،کنٹرول روم میں پولیس اور قانون نافذ کرنے والے اداروں سے رابطے میں رہے گا جبکہ اس میں آئیسکو اور سی ڈی اے اور انتظامیہ کے نمائندے موجود ہیں،دوسری طرف ریڈ زون کو بھی سیل کر دیا گیا ہے اور ریڈ زون کی طرف جانے والے راستوں پر کنٹینرز اور خاردار تاریں بچھا دی گئی ہیں، ریڈ زون میں رینجرز کے دستے تعینات کئے گئے ہیں جبکہ تمام اہم عماعمارتوں کی سیکیورٹی پاک فوج کے سپرد کر دی گئی ہے۔