کراچی (نیو زڈیسک) اسپیکر سندھ اسمبلی آغا سراج درانی نے کہا کہ پیپلز پارٹی کے چیئرمین بلاول بھٹو زرداری کی ہدایت پر میں ارکان سندھ اسمبلی کی کارکردگی کی رپورٹ بنا رہا ہوں ۔ یہ بات انہوں نے جمعہ کو سندھ اسمبلی کے اجلاس میں زیادہ تر ارکان کی عدم موجودگی کا نوٹس لیتے ہوئے کہی ۔ انہوں نے سینئر وزیر تعلیم و پارلیمانی امور نثار احمد کھوڑو کو مخاطب کرتے ہوئے کہا کہ سرکاری اور اپوزیشن کی بینجز دونوں طرف خالی پڑی ہیں ۔ میں پیپلز پارٹی کے چیئرمین کی ہدایت پر ارکان سندھ اسمبلی کی کارکردگی کی رپورٹ بنا رہا ہوں ۔ نہ صرف یہ رپورٹ پیپلز پارٹی کے چیئرمین کو بھیجوں گا بلکہ دیگر سیاسی جماعتوں کے قائدین بھی اگر چاہیں تو انہیں بھی رپورٹ بھیج سکتا ہوں ۔ واضح رہے کہ جمعہ کو جب اجلاس شروع ہوا تو 168 کے ایوان میں صرف 27 ارکان موجود تھے ۔