کراچی (نیوز ڈیسک)شدیدگرمی ،عوام کو ہیٹ اسٹروک سے تحفظ دینے میں حکومتی مشینری بری ناکام ہوگئی،جماعت اسلامی کے رضاکاروں نے میدان سنبھال لیا،ہیٹ اسٹروک سے بچاﺅ کے حکومتی دعوے دھرے رھ گئے ،گلیوں ،چوراہوں اوربس اسٹاپ پر شہریوں کوٹھنڈے پانی دیگرسہولیات پہنچائی گئیں ،عوامی خدمت کے دعویدار ایئرکنڈیشنز میں جبکہ شہری لوڈ شیڈنگ اور قہربرساتی گرمی میں جھلستے رہے ،مسائل میں گھری عوام کے ساتھ کھڑ ے ہیں ،خدمت دیانت کے ساتھ جاری رکھیں گے ،ملک کوسب سے زیادہ ر یونیو دینے والا شہر بنیادی سہولیات سے محروم ہے ۔ ان خیالات کا اظہار امیر جماعت اسلامی ضلع شرقی وسابق ممبرسندھ اسمبلی محمد یونس بارائی ،قیم ضلع نعیم اختر ،نائب امرائے ضلع سید افتخاراحمد ،توفیق الدین صدیقی ،مرتضی غوری ،نائب قیمین اصغرامام ملک ،عظمت اللہ خان اوردیگر نے شہرکراچی میں گرمی کی شدید لہر اور صوبائی حکومت کی بے حسی پر دفتر ضلع ارقم اسلامک سینٹر سے جاری اپنے بیان میں کیا ۔ محمد یونس بار ائی نے کہا کہ شدیدگرمی ،عوام کو ہیٹ اسٹروک سے تحفظ دینے میں صوبہ سندھ کی حکومتی مشینری بری ناکام ہوگئی،بدعنوان حکمران ایک بارپھر عوام کودھوکا دے گئے ۔ انہوں نے کہا کہ مشکل حالات میں جماعت اسلامی کے رضاکاروں نے میدان سنبھال لیا،شہریوں میں مفت تقسیم کے لیے سرد مشروبات ،ٹھنڈے پانی کی بوتلیں ،برف اور دیگرسامان لیے سڑکوں اورچوراہوں پر آگئے ۔سابق ممبر سندھ اسمبلی نے کہا کہ ہیٹ اسٹروک سے بچاﺅ کے حکومتی دعوے دھرے رھ گئے ،گلیوں ،چوراہوں اوربس اسٹاپ پر شہریوں کوٹھنڈے پانی دیگرسہولیات پہنچائی گئیں ۔ انہوں نے کہا کہ صوبائی حکومت نے صرف زبانی محبت کا دعوی کیا ،عوامی خدمت کے دعویدار ایئرکنڈیشنز میں جبکہ شہری لوڈ شیڈنگ اور قہربرساتی گرمی میں جھلستے رہے ۔ امیرجماعت اسلامی ضلع شرقی نے کہا کہ مسائل میں گھری عوام کے ساتھ کھڑ ے ہیں ،خدمت دیانت کے ساتھ جاری رکھیں گے ۔ انہوں نے کہا کہ ملک کوسب سے زیادہ ر یونیو دینے والا شہر بنیادی سہولیات سے محروم ہے،صوبائی حکومت اورسابقہ اتحادیوں نے کراچی کوکھنڈربناکر رکھ دیا ۔