سوات(نیوزڈیسک) لڑکیوں اور لڑکوں کے ساتھ بیٹھنے، کیمپس کے اندر اور باہر ساتھ چلنے پر پابندی کا نوٹیفکیشن جاری کر نے پر سوات یونیورسٹی کے وائس چانسلر نے چیف پراکٹر کو فارغ کر دیا ۔ نجی ٹی وی کے مطابق گزشتہ روز سوات یونیورسٹی میں طلبا اور طالبات کے ایک ساتھ بیٹھنے پر پابندی لگا دی گئی تھی ۔ چیف پراکٹر کے دستخط کیے گئے نوٹس میں طلبا و طالبات کو مخاطب کر کے کہا گیا تھا کہ کسی بھی طالبعلم اور طالبہ کو یونیورسٹی کیمپس میں اور کیمپس کے باہر اکٹھے بیٹھنے اور چلنے پر پابندی ہوگی ۔نوٹس کی ایک کاپی سوات یونیورسٹی کے وائس چانسلر کے پرسنل سیکرٹری ، رجسٹرار کے پرسنل سیکرٹری اور تمام شعبہ جات کے سربراہوں کو بھی بھجوا دی گئی تھی تاہم اب سوات یونیورسٹی کے وائس چانسلر نے چیف پراکٹر کو فارغ کر دیا ۔