کوہستان (نیوزڈیسک)خیبر پختونخوا کے ہزارہ ڈویژن میں حکام نے ضلع کوہستان میں سات روز سے ملبے تلے دبے ہوئے 23 افراد کے جاں بحق ہونے کی تصدیق کر دی ¾ کوہستان کے ایک پولیس افسر بختیار خان نے بی بی سی کو بتایا کہ کوہستان کے دور افتادہ پہاڑی علاقے وادی کندیا میں اتھورہ باڑی کے مقام پر ایک ہفتہ قبل تودے کی زد میں آنے سے ایک ہی گاو¿ں کے 29 افراد دب گئے تھے تاہم مقامی لوگوں کی کوششوں سے دو لاشیں نکالی گئی تھیں ¾ چار دیگر افراد کو بھی زخمی حالت میں نکال لیا گیا تھا۔انھوں نے کہا کہ علاقے کے رکن صوبائی اسمبلی عبدالستار خان نے مقامی علماءکی مشاورت سے دبے ہوئے 23 افراد کی موت کا اعلان کیا اور بعد میں ان کی نماز جنازہ پڑھائی گئی۔ نماز جنازہ میں سکیورٹی فورسز کے جوانوں سمیت کثیر تعداد میں لوگوں نے شرکت کی اور اس دلخراش سانحے پر ہر آنکھ نم نظر آئی۔