اسلام آباد(نیوز ڈیسک) برطانوی سیاست میں اہم سمجھے جانے والے لندن میئر کے عہدے کیلئے 3امیدواروں پاکستان کیلئے اہم ۔لیبر پارٹی کے پسندیدہ امید وار صادق خان کے دادا تقسیم ہند کے بعد ہندوستان سے ہجرت کر کے کراچی آگئے تھے۔ کنزرویٹیو پارٹی کے امید وار زیک گولڈ سمتھ عمران خان کے سابقہ بیوی جمائمہ کے بھائی ہیں جب کہ تیسرے امید وار جارج گیلوے طویل عرصے سے بھٹو خاندان کے قریبی تعلقات ہیں۔ لندن میں میئر کے الیکشن کی میڈیا کوریج تینوں امید واروں کے طبقوں پر مرکوز ہے کیونکہ ایک طرف200ملین پاونڈز دولت کیساتھ انتہائی امیر زیک ہیں تو وہیں صادق خان ایک بس ڈرائیور کے بیٹے ہیں جو 1960ء میں برطانیہ آئے۔ زیک گولڈ اسمتھ کی انتخابی مہم میں عمران خان کی سابقہ بیوی جمائما اور عمران خان کا 18سالہ بیٹا سلیمان عیسیٰ خان بھی حصہ لے رہے ہیں۔ صہیونیت اور عراق پر قبضے کی مخالفت کرنے پر جارج گیلوے کو کئی بھٹو خاندان کے علاوہ کئی برطانوی پاکستانیوں کی حمایت بھی حاصل ہے۔