لاہور(نیوزڈیسک)پنجاب حکومت کی نااہلی کاپردہ فاش،بڑے نقصان کے بعد نیا حکم جاری کردیا،تفصیلات کے مطابق حساس اداروں نے کچھ دن پہلے پنجاب حکومت کو مراسلہ بھیجاتھا کہ لاہور کے پارکس اور شاپنگ سنٹرز پر حملے ہوسکتے ہیں۔جس پارک پر آج حملہ ہوا ہے وہاں سیکورٹی کا اتنا نامناسب انتظام تھا کہ سی سی ٹی وی کیمرے تک موجود نہ تھے اور اس پارک کی دیوار صرف تین فٹ اونچی ہے۔ خودکش بمباراسی چھوٹی سی دیوار کو پھلانگ کر پارک میں داخل ہوا،واضح رہے کہ پشاوریونیوسٹی اٹیک کے بعد ملک بھر میں پارکس، سکولوں اوردیگر مقامات کے بارے میں انتباہ جاری کیاگیاتھا کہ وہاں پر سیکورٹی کے انتظامات بہتر بنائے جائیں۔گلشن اقبال پارک میں خود کش دھماکے کے بعد لاہور میں واقع تمام تفریحی مقامات سکیورٹی خدشات کیوجہ سے تاحکم ثانی بند کر دئیے گئے ۔ذرائع کے مطابق گلشن اقبال پارک میں خود کش دھماکے کے بعد پولیس حکام نے لاہور میں واقع تمام پارکس اور تفریحی مقامات کو سکیورٹی خدشات کیوجہ سے تاحکم ثانی بند کرنے کے احکامات جاری کر دئیے ۔ ذرائع کے مطابق تمام تفریحی مقامات میں سکیورٹی انتظامات کا جائزہ لینے کے بعد انہیں دوبارہ کھولنے کا فیصلہ کیا جائے گا۔