اسلام آباد(نیوز ڈیسک) وفاقی وزیر داخلہ چوہدری نثار علی خان سے ایرانی ہم منصب عبدالرضا رحمانی فضلی نے ملاقات کی ، ’’را‘‘ کے ایجنٹ کی گرفتاری اور ابتدائی تحقیقات کے نتیجے میں سامنے آنے والے حقائق پر بات چیت کی گئی ۔ ملاقات میں دوطرفہ تعلقات ، سکیورٹی کے شعبے میں باہمی تعاون کو مزید وسعت دینے کے علاوہ مشترکہ بارڈر کی بہتر اور موثر نگرانی کے حوالے سے اقدامات اور منظم جرائم سے متعلق امور بھی زیر غور آئے ۔ تفصیلات کے مطابق ہفتہ کے روز پنجاب ہاؤس اسلام آباد میں وفاقی وزیر داخلہ چوہدری نثار علی خان سے ایرانی ہم منصب عبدالرضا رحمانی فضلی نے ملاقات کی جس میں چوہدری نثار علی خان سے ایرانی ہم منصب کو بلوچستان سے گرفتار ہونے والے بھارتی خفیہ ایجنسی را کے ایجنٹ کی گرفتاری اور ابتدائی تحقیقات کے نتیجے میں سامنے آنے والے حقائق پر بات کی گئی دونوں رہنماؤں کی ملاقات میں دوطرفہ تعلقات سکیورٹی کے شعبے میں دونوں ممالک کے باہمی تعاون کو مزید وسعت دینے کے امور پر بھی تبادلہ خیال کیا گیا ۔ ملاقات میں دونوں ممالک کی جانب سے مشترکہ بارڈر کی بہتر اور موثر نگرانی کے حوالے سے اقدامات اور منظم جرائم کی روک تھام کیلئے موثر اور مربوط اقدامات اٹھانے پر اتفاق کیا گیا دونوں رہنماؤں نے منشیات اور انسانی سمگلنگ کی روک تھام سمیت انٹیلی جنس پر تبادلہ خیال کیا گیا۔