پشاور (نیوز ڈیسک)صوبائی دارلحکومت پشاور کے رہائشی علاقوں میں مختلف موبائل کمپنیوں کے غیر قانونی طور پرنصب شدہ موبائل ٹاور کو ہٹانے کا فیصلہ کیاگیا ہے جس کے باعث رہائشی علاقوں میں موجود مختلف کمپنیوں کے موبائل ٹاورز کی تفصیلات طلب کرلی ہے تاکہ موبائل ٹاورز کو یہاں سے ہٹایا جا سکے موبائل ٹاور کے غیر قانونی اور غیر مناسب جگہ پرتنصیب اور ان سے پیدا ہونے والے مہلک لہریں انسانی صحت کے لئے منفی اثرات مرتب کر رہی ہے ذ رائع نے بتایا ہے کہ صوبائی دارلحکومت پشاور کے تمام رہائشی علاقوں میں مختلف موبائل کمپنیوں کی جانب سے لگائے گئے غیر قانونی ٹاورز کی تفصیلات طلب کی ہے اور تفصیلات کی فراہمی کے بعد رہائشی علاقوں سے ٹاورز کو ہٹا دیا جائے گا ۔