اسلام آباد(نیوز ڈیسک)پاکستان تحرےک انصاف کے مرکزی سےکرٹری اطلاعات نعےم الحق نے کہا ہے کہ وزیر اعظم نواز شرےف کی جانب سے حکومتی جماعت کے اراکین اسمبلی کیلئے فی کس 1 ارب روپے کے ترقیاتی فنڈز منظوری کی اطلاعات انتہائی تشویشناک ہیں ، آئندہ الیکشن جیتنے کی غرض سے ایم این ایز کو اربوں کی فراہمی انتہائی قابل مذمت ہے، سپرےم کورٹ آف پاکستان وزیر اعظم کے بدنیتی پر مبنی اس اقدامات کا فوری طور پر نوٹس لے تا کہ قومی خزانے کو ایک شخص یا جماعت کی صوابدید کی بھینٹ چڑھنے سے بچایا جاسکے، قومی خزانے سے رقوم کی بندر بانٹ کر کے اپنے لئے وفاداریاں خرید نے کی اجازت نہےں دےں گے۔ ان خےالات کا اظہار انہوں نے جمعہ کے روزاپنے اےک بےان مےں کےا۔نعےم الحق کا کہنا تھا کہ شریف برادران قومی خزانے سے رقوم کی بندر بانٹ کر کے اپنے لئے وفاداریاں خریدرہے ہےں، دنیا کے کسی جمہوری ملک میں پارلیمنٹیرینز میں یوں پیسہ تقسیم نہیں کیا جاتا ۔انہوں نے کہا کہ تحریک انصاف اور عدالت عظمیٰ کے شدید دباو¿ پر بلدیاتی انتخابات کروانے کے باوجود شریف برادران مقامی حکومتوں کو اختیارات سونپنے کو تیار نہیں ،جبکہ انہوں نے اپنے اقتدار کے دوام اور ذاتی تشہیر پر جس بے رحمی سے قومی دولت لٹاتے ہیں دنیا کی کوئی جمہوریت اس کی اجازت نہیں دیتی اور نہ ہی پاکستانی عوام دےں گے۔انہوں نے مزےد کہا کہ قرضوں سے اکٹھی کی گئی دولت اللے تللوں پر لٹانے کی روش ملک کے مستقبل کیلئے انتہائی خطرناک ہے ، ایم این ایز میں پیسہ بانٹنے کا واحد مقصد انہیں بھی قومی دولت کی لوٹ مار میں شریک کرنا ہے۔