اسلام آباد (نیوز ڈیسک) پاکستان مسلم لیگ ضیاء کے سربراہ اعجاز الحق نے کہا ہے کہ بلوچستان سے جو را کا ایجنٹ پکڑا گیا ہے حکومت کو چاہئے کہ وہ اس کو بین الاقوامی فورم اور میڈیا کے سامنے لائے بھارت دہشت گرد ریاست ہے ایرانی صدر کے دورہ سے پاکستان اور ایران کے تعلقات میں مزید بہتری آئے گی۔ان خیالات کا اظہار انہوں نے جمعہ کو پارلیمنٹ ہاﺅس کے باہر میڈیا سے گفتگو کرتے ہوئے کیا انہوں نے کہاکہ میں 2006 ءسے بات کر رہا ہوں کہ پاکستان میں جب سے دہشت گردی شروع ہوئی ہے بھارت اس میں ملوث ہے اب ثبوت سامنے آ رہے ہیں حکو مت کو چاہئے کہ وہ اقوام متحدہ اور میڈیا کے سامنے ان کو لائیں ۔ انہوں نے کہا کہ دنیا میں سب سے بڑی دہشت گرد ریاست بھارت ہے وہ کشمیر کے اندر دہشت گردی کر رہا ہے ایک سوال کے جواب میں انہوں نے کہا کہ ایرانی صدر کا دورہ خوش آئند ہے ایران سے بین الاقوامی پابندیاں اٹھنے کے بعد پاکستان اور ایران کے درمیان جو گیس پائپ لائن منصوبہ ہے وہ تیزی کے ساتھ آگے بڑھے گا انہوں نے کہا کہ ایرانی صدر کے دورہ پاکستان اور ایران کے تعلقات میں مزید بہتری آئے گی ۔