نواب شاہ(نیوز ڈیسک)آل پاکستان مسلم لیگ کے مرکزی رہنما نامور قانون دان احمد رضا قصوری ایڈوکیٹ نے کہا ہے کہ اے پی ایم ایل کا مصطفی کمال گروپ سے کسی قسم کا کوئی تعلق نہیں ہم کسی بھی جماعت یا گروپ کی حمایت یا مخالفت نہیں کرینگے۔بعض اخبارات میں شائع ہونے والی خبر پرانہوں نے نوٹس لیتے ہوئے وضاحت کی کہ مصطفی کمال کے پروگرام میں شریک ہونے والی خواتین کا آل پاکستان مسلم لیگ سے کوئی تعلق نہیں اگر کوئی پرویز مشرف کی تصاویر اٹھا کر کسی جگہ شرکت کرتا ہے تو ضروری نہیں کہ اس کا تعلق ہماری پارٹی سے ہی ہویہ بات انہوں نے نواب شاہ کے ضلع صدر اے ایچ صدیقی،جنرل سیکریٹری سید وصی احمد بخاری ودیگر عہدیداران سے فون پر گفتگو کرتے ہوئے کہی احمد رضا قصوری نے کہا کہ ملک کے اندرونی سیاسی حالات انتہائی نازک دور سے گزر رہے ہیں ایسے میں ہماری پارٹی پالیسی دیکھو اور انتظار کرو والی ہے انہوں نے کہا کہ وہ بہت ہی جلدنواب شاہ دورہ کرینگے۔ انہوں نے ہدایت کی کہ تنظیمی طور پر تمام کارکنان ممبرسازی کے عمل کو تیز کریں عوامی سطح پر رابطے بڑھائیں انہوں نے کہا پاکستان کو محب وطن بہادر اورکرپشن سے پاک لیڈر کی ضرورت ہے جوکہ پرویز مشرف کی صورت میں جلد پاکستانی عوام کو میسر ہوگی پرویز مشرف علاج کرانے کے فوری بعد پاکستان واپس آئیںگے۔