گوجر خان (نیوز ڈیسک) پاکستان کی نیوزی لینڈ کے ہاتھوں شکست سے دلبرداشتہ نوجوان دل کا دورہ پڑنے سے انتقال کر گیا۔ متوفی اپنے گھرانے کا واحد کفیل تھا۔ تفصیلات کے مطابق گوجر خان کے نواحی گاؤں بھاگ پور گجران کا رہائشی 30سالہ شادی شدہ نوجوان قاسم گجر ولد بابو محمد اکرم جو کہ گوجرخان شہر میں ایک فوٹو اسٹیٹ پر ملازمت کرتا تھا پاکستان اور نیوزی لینڈ کے درمیان کھیلے جانیوالے میچ میں پاکستان کی غیر متوقع ہار کو برداشت نہیں کر سکا اور دل کا دورہ پڑنے سے انتقال کر گیا جس کو گذشتہ روز آبائی گاؤں بھاگ پور گجران میں سپردخاک کر دیا گیا ہے۔ متوفی اپنے گھرانے کا واحد کفیل تھا۔