مظفرآباد(نیوز ڈیسک)دارالحکومت مظفرآباد کے دیگر پہاڑوں سے عجیب قسم کی گیس نکلنے لگی آس پاس کے علاقے کی رنگت تبدیل سبز رنگ غائب جانور بھی اس طرف کا رخ نہیں کرتے۔ بزرگوں کے مطابق شاید اس زمین تلے لاوا ابل رہا ہے۔ تفصیلات کے مطابق دارالحکومت مظفرآباد کے مختلف پہاڑی علاقے جن کے آس پاس سے بڑی مقدار میں کوئلہ اور دیگر معدنیات کی نکاسی ہوتی تھیں اب ان مقامات سے عجیب قسم کی گیس نکل رہی ہے اس گیس کی وجہ سے آس پاس کے رہائشی علاقوں میں مقیم افراد کی آنکھوں میں جلن ،تکلیف اور روشنی کم ہونے جیسے واقعات رونما ہورہے ہیں۔قابل غور بات یہ ہے کہ بارش اور سردی کے باوجود ان علاقوں میں سبز کھاس نہیں اگتی اور نہ اس طرف کوئی جانور چرانے لے جاتے ہیں بزرگوں کے مطابق ان علاقوں میں نیچے لاوا ہے جس کی وجہ سے علاقے سر سبز نہیں البتہ جلے ہوئے نظر آتے ہیں۔8اکتوبر 2005کے زلزلے کے دوران ماہرین نے انکشاف بھی کیا تھا کہ ماکڑی ، چہلہ بانڈی، شوائی، کامسر، چھلپانی سمیت دیگر بڑے پہاڑوں کے نیچے لاوا ہے اگر یہ پھٹ گیا تو کافی جانی نقصان ہو سکتان ہے اس کے باوجود ضلعی انتظامیہ اور ایم ڈی اے کی ملی بھگت سے لوگوں نے ناجائز تجاوزات کی بھر مار کر دی جو خود موت کے منہ میں جانے کی دعوت ہے حکومت اور ضلعی انتظامیہ کو چاہیے کہ وہ ان علاقوں کی ایک سروے کروائے تاکہ لوگ محفوظ مقام تک رسائی حاصل کر سکیں۔