کابل(نیوزڈیسک) افغان طالبان سے الگ ہونیوالے دھڑے کے سربراہ ملامحمدرسول کوپاکستان میں گرفتارکرلیاگیا ہے افغان ذرائع ابلاغ نے بتایا ہے کہ ملارسول کوزابل صوبہ میں ملااخترمنصورکے حامیوں کے ساتھ لڑائی کے بعدفرار ہونے کے بعدپاکستان میں داخل ہونے کے وقت گرفتارکرلیاگیا ہے ۔محمدرسول کوچند ماہ پہلے طالبان سے الگ ہونیوالے دھڑے کاسربراہ بنایاگیاتھا جس کے بعدان کے اورملااخترمنصورکی قیادت میں طالبان کے بڑے گروپ کے درمیان صوبہ زابل ،صوبہ فرح اورہرات میں لڑائیاں ہوئی تھیں زابل کی لڑائی میں مشہورکمانڈرمنصورداداللہ اوردرجنوں افراد ہلاک ہوگئے تھے منصورداداللہ محمدرسول کی قیادت میں طالبان دھڑے کے نائب سربراہ تھے ۔افغان ذرائع کاکہنا ہے کہ لڑائی میں شدت کے بعدافغان علماءنے دونوں فریقوں کے درمیان جنگ بندی کرائی تھی لیکن کچھ عرصہ پہلے جنگ بندی ختم ہوگئی تھی جس کے بعدکئی علاقوں میں طالبان گروپس کے درمیان دوبارہ لڑائی چھڑ گئی تھی دوبارہ لڑائی چھڑنے کے بعدملارسول اوران کے نائب عبدالمنان نیازی لڑائی سے فرار ہونے میں کامیاب ہوگئے ملارسول کوپاکستان آتے ہوئے گرفتارکرلیاگیا ہے۔الگ ہونے کے بعدملارسول اوران کے ساتھیوں نے پاکستان کیخلاف ایک مہم کاآغاز بھی کیاتھا اس گروپ کے بارے میں خیال کیاجاتا ہے کہ ان کے بنانے میں افغان انٹیلی جنس کاہاتھ ہے محمدرسول کی قیادت میں طالبان سے الگ ہونیوالے گروپ نے افغانستان کے کئی علاقوں میں اجتماعات کئے تھے تاہم افغان حکومت نے ان کیخلاف کوئی ایکشن نہیں لیاتھا۔