لاہور(نیوز ڈیسک) پٹھان کوٹ حملوں کی تحقیقات کے لیے پاکستان کی جوائنٹ انویسٹی گیشن ٹیم کو بھارتی ویزے مل گئے۔ جے آئی ٹی 27 مارچ کو بھارت روانہ ہو گی۔میڈیا رپورٹ کے مطابق بھارت کی پٹھان کوٹ ایئربیس پر حملوں کی تحقیقات کےلئے پاکستان نے جوائنٹ انویسٹی گیشن ٹیم تشکیل دی تھی اور بھارت سے متاثرہ جگہ کے معائنے کی درخواست کی۔ پاکستان میں بھارتی سفارت خانے نے جے آئی ٹی کے تمام ممبران کو ویزے جاری کر دئیے۔5رکنی جے آئی ٹی کی قیادت ایڈیشنل آئی جی سی ٹی ڈی رائے طاہر کر رہے ہیں ¾جے آئی ٹی کے دیگر ارکان میںکرنل تنویر،کرنل عرفان مرزا،عظیم ارشد، اور شاہد تنویر شامل ہیں۔جے آئی ٹی کے ارکان براستہ دہلی پٹھان کوٹ ایئربیس جائیں گے اور بھارتی حکومت کی جانب سے ملنے والے شواہد کی روشنی میں تحقیقات کریں گے۔نجی ٹی وی کے مطابق کے مطابق جے آئی ٹی نے پٹھان کوٹ حملے پر 50سے زائد سوالوں پر مشتمل سوالنامہ بھی تیار کیا یہ سوالات بھارتی حکام سے کئے جائیں گے۔پٹھان کوٹ ایئربیس پر حملہ 2جنوری کو ہوا تھاجس کا مقدمہ گوجرانوالہ میں بھی درج کیا گیا ۔