اسلام آباد (نیوز ڈیسک) پاکستان عوامی مسلم لیگ کے سربراہ شیخ رشید احمد نے کہا ہے کہ سپر پاور قوتیں ملک کو بحران کی طرف دھکیلنا چاہتی تھیں ’ ہم بحران سے نکل آئے ہیں ’ بھارت سے شکست کے بعد پاکستانی ٹیم پر کوئی بات نہیں کر ناچاہتا ہوں ۔منگل کوپارلیمنٹ ہاﺅس کے باہر میڈیا سے گفتگو کرتے ہوئے انہوں نے کہا کہ آج قومی ایئر لائن کو کمپنی بنانے کے حوالے سے بل پر حکومت اور اپوزیشن کے درمیان اس بات پر اتفاق ہوا ہے جکہ بل کو تین ہفتوں کےلئے موخر کرنے پر اتفاق ہوا ہے اس حوالے سے حکومت کمیٹی قائم کررہی ہے جو تین ہفتوں کے اندر پی آئی اے کے حوالے سے اپنی رپورٹ پیش کرے گی۔ انہوں نے کہا کہ پاک فوج نے ملک کو بحران سے نکالا ، سپر پاور قوتیں ملک کو بحران کی طرف دکھیلنا چاہتی تھیں مگر اب ہم بحران سے نکل آئے ہیں۔ایک اور سوال کے جواب میں کرکٹ ٹیم کے حوالے سے انہوں نے کہا کہ میری دلچسپی پاک بھارت کرکٹ میچ میں تھی مگر شکست کے بعد اب میں ٹیم پر کوئی بات نہیں کروں گا۔