لاہور( نیوزڈیسک) آل پاکستان پرائیویٹ سکولز فیڈریشن نے حکومت کی طرف سے مطالبات تسلیم نہ کئے جانے پر غیر معینہ مدت کےلئے ہڑتال کا فیصلہ کر لیا جس کا باضابطہ اعلان آج بدھ کے رو ز کیا جائے گا۔ سکولز فیڈریشن کے صدر مرزا کاشف بیگ نے رابطہ کرنے پر ” این این آئی “ کو بتایا کہ منگل کے روز ہمارا دوبارہ اجلاس ہوا ہے جس میں حکومتی اقدامات پر غوروخوض کیا گیا ہے اور اجلاس میں غیر معینہ مدت کیلئے ہڑتال کے فیصلے کی توثیق کر دی ہے اور آج بدھ کے روز باضابطہ اعلان کر دیا جائے گا ۔ انہوں نے کہا کہ ہمیں توگورنر پنجاب کی طرف سے میڈیا کے ذریعے بھی مذاکرات کی کوئی دعوت نہیں ملی اور بن بلائے ہمیں گورنر ہاﺅس کے دروازے سے کس نے داخل ہونے دینا ہے ۔ انہوں نے مزید کہا کہ صوبائی وزیر تعلیم نے فیصل آباد میں میڈیا سے گفتگو کرتے ہوئے صحیح بات کی ہے لیکن ان کی زبان پھسل گئی ہے انہوں نے 97فیصد کی جو بات کی ہے یہ شرح سکول کھلنے کی نہیں بلکةہ سکول بند رہنے کی تھی ۔انہوں نے کہا کہ جب تک حکومت قانون کو واپس نہیں لیتی اور ہمارے تحفظات دور نہیں کئے جاتے ہڑتال جاری رہے گی ۔
شہباز تاثیر اب ہی کیوں ملے؟