پشاور(نیوز ڈیسک) گورنر خیبر پختونخوا اقبال ظفر جھگڑا سے تحریک انصاف کے چیئرمین عمران خان اور وزیراعلیٰ پرویز خٹک نے ملاقات کی ۔ عمران خان اور پرویز خٹک نے گورنر بننے پر اقبال ظفر جھگڑا کو مبارکباد پیش کی خیبر پختونخوا کے معاملات اتفاق رائے سے چلانے اور محاذ آرائی سے بچنے پر اتفاق کیا گیا ۔ تفصیلات کے مطابق منگل کے روز پشاور میں عمران خان اور وزیراعلیٰ پرویز خٹک نے خیبر پختونخوا کے گورنر اقبال ظفر جھگڑا سے گورنر ہاﺅس میں ملاقات کی عمران خان نے اقبال ظفر جھگڑا کو خیبر پختونخوا کا گورنر بننے پر مبارکباد پیش کی تینوں رہنماﺅں کی ملاقات میں اتفاق کیا گیا کہ منصوبے کے تمام معاملات میں اختلافات کی بجائے اتفاق رائے سے چلائے جائیں گے اور اختلافات کو ہوا نہیں دینگے کیونکہ صوبے کے حالات کسی قسم کی محاذ آرائی کے متحمل نہیں ہوسکتے ،رہنماﺅں نے اتفاق کیا ہے کہ خطے کے حالات کا تقاضا ہے کہ مل کر ملک کیلئے کام کریں تاکہ صوبے میں خوشحالی اور امن وامان قائم کیاجاسکے

موضوعات:اقبال ظفر جھگڑا پرویز خٹک عمران خان