اسلام آباد (نیوزڈیسک) سپریم کورٹ نے الیکشن کمیشن کو سندھ کے گیارہ اضلاع کی اسی سے زائد یونین کونسلز میں بلدیاتی انتخابات کرانے کی اجازت دے دی ۔ جسٹس شیخ عظمت سعید کی سربراہی میں دو رکنی بینچ نے سندھ ہائیکورٹ کے فیصلے کیخلاف الیکشن کمیشن کی اپیل پر سماعت کی ۔ الیکشن کمیشن کے وکیل نے آگاہ کیا کہ ہائیکورٹ کے فیصلے پر متنازعہ یونین کونسلز کی دوبارہ حلقہ بندیاں کر دی ہیں ۔ تیس دسمبر کو بلدیاتی انتخابات کرا دیں گے ، عدالت عظمیٰ نے سندھ کے11 اضلاع کی 80 سے زیادہ یونین کونسلز میں بلدیاتی انتخابات کرانے کی اجازت دیتے ہوئے الیکشن کمیشن کی اپیل غیر موثر ہونے کی بنیاد پر نمٹا دی ۔ الیکشن کمیشن نے سندھ ہائیکورٹ کے متنازعہ یونین کونسلز کی چوبیس گھنٹے میں حلقہ بندیاں کرنے کا سندھ ہائیکورٹ کا فیصلہ سپریم کورٹ میں چیلنج کیا تھا ۔