کراچی(نیوز ڈیسک) برطانیہ میں موجود ریحام نے عمران خان سے علیحدگی میں مرکزی کردار ادا کرنے والے شخص کا اب نام بتادیا ہے۔ نجی ٹی وی چینل کے ایک پروگرام میں بتایا کہ ریحام خان نے اپنے قریبی دوست کو یہ پیغام بھجوایا ہے جس میں عمران سے علیحدگی کے پس پردہ محرکات سے پردہ اٹھا ہے ۔ریحام خان کے مطابق جس شخص نے میاں بیوی کا رشتہ خراب کروانے میںمرکزی کردار اداکیا اس کا نام جہانگیر ترین ہے ۔ انہوں نے ہی عمران خان کومجھ سے بدظن کیا ۔ قریبی دوست کو بجھوائے جانے والے پیغام میں ریحام نے بتایا کہ طلاق کے سکرپٹ رائٹر جہانگیر ترین ہیں۔میرے برطانیہ جانے کے بعد ہی انہوں نے عمران خان کوطلاق کا مشورہ دیدیا۔جہانگیر ترین نے عمران خان سے کہا کہ اس سے پہلے کہ ریحام پریس کانفرنس کرے آپ اسے طلاق دیدیں ۔ علاوہ ازیں نجی ٹی وی چینل کے پروگرام آج شاہ زیب خان زادہ کے ساتھ میں گفتگو کرتے ہوئے اس چینل کے نمائندے نے بتایا کہ دوستوں کی وجہ سے دونوں میاں بیوی میں تلخ کلامی ہوتی تھی کیوں کہ عمران خان کے دوستوں کا اس طرح بلاروک ٹوک گھر میں آنا جانا ریحام کو پسند نہیں تھا ، ریحام نے ہی ان کے دوستوں کیلئے گھر میں الگ جگہ مقرر کروائی تاکہ گھر گھر ہی رہے ۔ نجی ٹی وی کے نمائندے کے مطابق ریحام کی جانب سے عمران کو تھپڑمارنے والی بات کا حقیقت سے کوئی تعلق نہیں کیوں کہ سب بخوبی جانتے ہیں کہ کپتان کومارنا کوئی بچوں کاکھیل نہیں ۔بڑے میڈیا گروپ کے مطابق عمران خان کی عادت ہے کہ ورزش کرتے ہیں اور ایک روز انہوں نے کچھ کھائے پیئے بغیر ہی سخت ورزش کی جس سے ان کا بلڈ پریشر لو ہوگیا اور دلچسپ بات یہ ہے کہ اس موقع پر عمران خان کو جلد ہسپتال لے کر جانیوالی خاتون بھی ریحام خان ہی تھیں ۔