اسلام آباد (نیوز ڈیسک)  پاکستان کے اوپننگ بلے باز صاحبزادہ فرحان نے ٹی ٹوئنٹی ورلڈ کپ میں شاندار کارکردگی دکھاتے ہوئے

بھارت کے اسٹار بیٹر ویرات کوہلی کا 12 برس پرانا ریکارڈ پیچھے چھوڑ دیا ہے۔سپر ایٹ مرحلے میں سری لنکا کے خلاف کھیلے گئے میچ کے دوران فرحان نے دلکش انداز میں چوکا لگا کر ٹورنامنٹ میں مجموعی رنز کی تعداد 319 سے آگے بڑھائی اور یوں کوہلی کا قائم کردہ سنگِ میل عبور کر لیا۔ اس میچ میں وہ 25 گیندوں پر 40 رنز بنا کر ناٹ آؤٹ رہے۔ویرات کوہلی نے 2014 کے ٹی ٹوئنٹی ورلڈ کپ میں 319 رنز اسکور کر کے ایک ریکارڈ قائم کیا تھا، تاہم اب صاحبزادہ فرحان 323 رنز کے ساتھ فہرست میں سرفہرست آ چکے ہیں۔ رنز بنانے والوں کی فہرست میں سری لنکا کے تلکارتنے دلشان 317 رنز کے ساتھ تیسرے نمبر پر ہیں، جبکہ پاکستان کے بابر اعظم نے 2021 کے ایڈیشن میں 303 رنز اسکور کیے تھے۔ اسی طرح سری لنکا کے مہیلا جے وردھنے 2010 کے ورلڈ کپ میں 302 رنز کے ساتھ نمایاں رہے تھے۔

مزید برآں، ٹی ٹوئنٹی ورلڈ کپ 2026 میں بھی صاحبزادہ فرحان 325 رنز کے ساتھ سب سے زیادہ اسکور کرنے والے کھلاڑی بن گئے ہیں، جس سے ان کی شاندار فارم کا تسلسل ظاہر ہوتا ہے۔