کوئٹہ (نیوزڈیسک) مری معاہدہ ختم ہونے میں صرف 30دن باقی ہے ۔تفصیلات کے مطابق مری معاہدے کے تحت پہلے مرحلے میں نیشنل پارٹی کے وزیر اعلیٰ ڈاکٹر عبدالمالک بلوچ ڈھائی سال چار دسمبر کو پورے کرینگے جبکہ معاہدے کے تحت مسلم لیگ ن کے نئے قائد اعوان پانچ دسمبر کو اپنے عہدے کا حلف اٹھائینگے ۔ا س طرح بلوچستان کی مخلوط حکومت جس میں نیشنل پارٹی پشتونخواءملی عوامی پارٹی مسلم لیگ ن مسلم لیگ ق شامل ہیں اپنی دھائی سالہ مدت پوری کرنے کے بعد یادگاریں چھوڑ کر چلے جائینگے اور انکی جگہ مسلم لیگ ن کے نئے قائد ایوان حلف اٹھائینگے تاہم حتمی فیصلہ وزیر اعظم میاں نواز شریف کرینگے نئے سیٹ اپ میں کون کون شامل ہوگا اس بارے میں صلاح ومشورہ جاری ہے مسلم لیگ ق کے صوبائی جنرل سیکرٹری میر عبدالکریم نوشیر وانی نے پارٹی کے عہدے سے استعفیٰ دے دیا ہے تاہم اسمبلی کی رکنیت ابھی تک برقرار ہے مسلم لیگ ق کے پانچ ارکان اسمبلی میں ہیں انکے پارلیمانی لیڈر صوبائی وزیر ایکسائز اینڈ ٹیکنیشن شیخ جعفر خان مندوخیل ہے صوبے میں دسمبر میںجب نئی حکومت تشکیل پائے گی تو بعض وزراءکے محکمے بھی تبدیل کئے جائینگے اور بیو روکریسی میں بھی تبدیلیا ں کی جائینگی کیونکہ بہت سے سیکرٹری اور دیگر اعلیٰ آفیسران گزشتہ ڈھائی سال سے ایک ہی پوسٹ پر کام کر رہے ہیں درپردہ رابطوں کا سلسلہ جاری ہے فوری طورپر معلوم نہیں ہوسکا کہ رکن صوبائی اسمبلی میر عبدالکریم نوشیروانی جنہوںنے پارٹی کے عہدے سے استعفیٰ دیا ہے اب وہ کس جماعت شامل ہونگے ان سے بہت سی سیاسی جماعتوں کے رابطے ہیں جو انکو اپنی پارٹی میں شامل کرنا چاہتے ہیں ۔