ڈیرہ اسماعیل خان(نیوزڈیسک)وزیراعلیٰ اور گورنر ہائوسز کو یونیورسٹیوں میں تبدیل کرنے والی تحریک انصاف کی حکومت نے خیبر پختونخوا میں وزراء اور بیورو کریٹس کے محلات نما سرکاری رہائش گاہوں کی تزئین وآرائش پر 24کروڑ روپے خرچ کرڈالے ۔تفصیلات کے مطابق الیکشن 2013ء میں عوام سے وزیر اعلیٰ اور گورنر ہائوسز کو یونیورسٹیوں میں تبدیل کرنے کا وعدہ کرکے ووٹ لینے والی اورکفایت شعاری کی پالیسی پر عملدرآمد کی دعویدار تحریک انصاف کی حکومت نے صوبائی وزراء اور بیورو کریٹس کے عالیشان محلات نما سرکاری رہائشگاہوں کی صرف تزئین و آرائش اورمرمت پر گزشتہ ڈھائی سالوں کے دوران تبدیلی آئے گی نہیں بلکہ آگئی ہے کے نعرے پر عمل پیرا ہوئے تعمیر و ترقی کے منصوبوں کو نظر انداز کرکے 24کروڑ کی خطیر رقم خرچ کرڈالی جبکہ صوبے کی تعمیر و ترقی کوخالی خولی نعروں اور وعدوں تک محدود رکھاگیا ۔دریں اثناء تحریک انصاف سے تعلق رکھنے والے خیبر پختونخوا کے ایک سابق وزیر صحت نے اپنی سرکاری رہائش گاہ پر 2کروڑ 61لاکھ روپے خرچ کیے ۔علاوہ ازیں مشیروں اور معاونین خصوصی بھی کسی سے پیچھے نہیں رہتے ۔ ان کے سرکاری بنگلوں اور کوارٹرز کی تزئین و آرائش پر بھی صوبائی خزانے سے کروڑوں روپے خرچ کیے گئے ہی