اسلام آبا(نیوزڈیسک).عمران ریحام طلاق پر سیاسی حلقوں میں بھی بے رحمانہ تبصرے ہوئے، سیاستدانوں نے اپنے اپنے انداز میں اس معاملے پر رائے دی۔عمران ریحام کی طلاق کی بازگشت سیاسی حلقوں میں بھی سنائی دی، گو کہ وزیر اعظم نواز شریف اور بلاول نے رہنمائوں کو اس معاملے پر بیان دینے سے روک دیا، آصف زرداری نے بھی اس پر کوئی بیان دینے سے انکا ر کردیا۔ لیکن کچھ رہ نما خود کو روک نہ سکے اور کچھ نے ہدایات جاری ہونے سے پہلے ہی الفاظ کے تیر چلادیے، مسلم لیگ ن کے رہنما رانا ثنا نے کہا کہ عمران خان کےساتھ کسی کابھی رہنامشکل ہے۔ پیپلز پارٹی کے رہنما خورشید شاہ نے کہا کہ دعاکی تھی کہ یہ شادی کامیاب ہو،مگرایسانہیں ہوااور اس کا امکان بھی تھا۔ آصفہ بھٹو زرداری نے تنقید کرتے ہوئے کہا کہ اگر عمران خان اپنی نجی زندگی کو پبلک نہیں بنانا چاہتے تھے تو انھوں نے اپنی نجی زندگی پبلک کی ہی کیوں۔ پیپلز پارٹی کی شہلا رضا نے کرکٹ کی زبان میں ہی عمران خان کی طلاق پر تبصرہ کیا۔ انھوں نے سماجی ویب سائیٹ پر لکھا کہ دو وکٹیں گرادیں،عمران خان کے پاس ہیٹ ٹرک کا چانس ہے۔شہلا رضا کے بیان کی پی ٹی آئی کے رہنما فیصل واوڈا نے مذ مت کی اور کہا کہ طلاق عمران اور ریہام کاذاتی معاملہ ہے،دونوں کی علیحدگی پربےبنیادخبریں نہیں پھیلانی چاہیئیں۔