اسلام آباد(نیوز ڈیسک) الیکشن کمیشن نے کہا ہے کہ زلزلہ کے باجود 31 اکتوبر کو ہونے والے بلدیاتی الیکشن ٹائم فریم کے مطابق ہی ہوں گے۔ الیکشن کمیشن حکام کے مطابق زلزلہ سے پنجاب اور سندھ کے جن اضلاع میں الیکشن ہونے ہیں وہ متاثر نہیں ہوئے اس لئے ان میں الیکشن ٹائم کے مطابق ہی ہوں گے۔ الیکشن کمیشن حکام کے مطابق الیکشن کمیشن کو ایسی کوئی درخواست موصول نہیں ہوئی جس میں کہا گیا ہو کہ زلزلہ کی وجہ سے بلدیاتی انتخابات ملتوی کر دیئے جائیں۔ واضح رہے کہ پنجاب اور سندھ کے مختلف اضلاع میں پہلے مرحلے میں 31اکتوبر کو بلدیاتی انتخابات ہوں گے۔