اسلام آباد(نیوز ڈیسک )پاکستان میں سزائے موت کی بحالی کے بعداب تک 246مجرموں کوپھانسی دی گئی ،صدرمملکت ممنون حسین نے رحم کی 300اپیلوں میں سے 54اپیلیں مستردکیں ۔میڈیارپورٹس کے مطابق صدرمملکت نے عدالتوں سے سزائے موت پانے والے مجرموں کی جانب سے رحم کی 300اپیلوں میں سے 54اپیلیں مستردکی ہیں ۔پھانسی کی سزابحال ہونے کے بعداب تک 246مجرموں کوپھانسی دی گئی ،فوجی عدالتوں میں 131مجرموں کوسزاہوگئی۔رپورٹ کے مطابق 62مجرموں کوانسداددہشتگردی ایکٹ کے تحت پھانسی دی گئی ،جبکہ 184مجرموں کوضابطہ فوجداری کے تحت سزادی گئی ۔رپورٹ میں کہاگیاہے کہ سزائے موت پرعملدرآمدرکوانے کیلئے اس وقت2600مقدمات عدالتوں میں زیرسماعت ہیں۔