پشاور(نیوزڈیسک) وزیراعلی خیبرپختونخوابھی پاکستان مسلم لیگ(ن ) کے رکن قومی اسمبلی دانیال عزیز پربرس پڑے ۔انہوں نے کہاکہ ہائیڈرل فنڈز استعمال کرنے کے الزامات بے بنیاد ہیں۔ لیگی رہنما کو نوٹس بھجوا دیا۔ احتساب کمیشن کو تین میں فیصلوں کا پابند کرنے کیلئے ترمیم لائیں گے۔پشاورمیں پریس کانفرنس کرتے ہوئے پرویز خٹک نے کہا کہ ہائیڈرل فنڈز ان کے دور میں استعمال نہیں ہوئے غلط الزامات پر دانیال عزیز کو نوٹس بھجوا دیا ہے۔ وزیر اعلیٰ خیبر پختونخوا کا کہنا تھا کہ صوبے میں احتساب کمیشن کو تین ماہ کے اندر فیصلوں کا پابند بنانے کیلئے ترمیم لانے کا فیصلہ کیا گیا ہے۔ کرپشن کرنیوالے کسی بھی جماعت سے ہوں احتساب ضرور ہو گا۔پرویزخٹک نے کہاکہ کوئی شخص احتساب سے بالاترنہیں ہے ۔