اسلام آباد(نیوزڈیسک)الیکشن کمیشن نے سندھ اور پنجاب میں تیسرے مرحلے کے بلدیاتی انتخابات کے شیڈول میں ردوبدل کردیاہے جس کے تحت انتخابات تین کے بجائے پانچ دسمبر کوہونگے۔الیکشن کمیشن کے جاری کردہ بیان کے مطابق تین دسمبر کوچہلم حضرت امام حسین ہونے کے باعث تاریخ میں ردوبدل کیا گیا۔شیڈول میں تبدیلی کی درخواست تحریک نفاذ فقہ جعفریہ سمیت مذہبی جماعتوں نے کی تھی۔تیسرے مرحلے میں پنجاب کے بارہ اورکراچی کے چھ اضلاع میں پولنگ ہوگی ،کاغذات نامزدگی جمع کرانے سمیت دیگر شیڈول برقرار رہے گا۔