بیجنگ / اسلام آباد(نیوز ڈیسک) پاکستان اور چین کے مابین طے پانے والے معاہدے کے تحت چین پاکستان کو فروخت کی جانے والی 8میں سے 4 آبدوزیں کراچی میں تیار کر ے گا۔چین سے آ بدوزیں حاصل کرنے کا معاہدہ حتمی ہو چکا ہے جس کے مطابق 4آبدوزیں پاکستان میں تیار کی جائیں گی تاہم آبدوزوں کی تیاری دونوں ممالک میں بیک وقت شروع کی جائے گی۔ جس کے ساتھ ساتھ بیجنگ آبدوزوں کی تیاری کی ٹیکنالوجی اسلام آباد منتقل کرے گا۔چین کے معروف اخبار چائنا ڈیلی نے وفاقی وزیر دفاعی پیداوار رانا تنویر حسین کے حوالے سے تصدیق کی کہ 4آبدوزیں کراچی میں تیار کی جائیں گی۔ دونوں ممالک نے چینی صدر شی چن پنگ کی جانب سے رواں سال کے آغاز پر اسلام آباد کے دورے کے دوران46ارب ڈالر کے 51 معاہدوں پر دستخط کیے تھے۔