لاہور (نیوزڈیسک )پاکستان مسلم لیگ(ن) کے اہم وفاق وزراءکے اختلافات کھل کرسامنے آگئے ۔
اقتدار کے تیسرے سال میں جب نواز حکومت کو استحکام کی ضرورت ہے مگر ایسے میں کچھ معاملات وزیر اعظم کی مسلسل پریشانی کا باعث بنے ہوئے ہیں۔ اب کابینہ کے اہم وزرا ءبھی حکومت کے لیے درد سر بن گئے۔تفصیلات کے مطابق وفاقی وزیرپانی وبجلی خواجہ آصف اوروفاقی وزیر داخلہ چوہدری نثار میں برسوں سے بول چال بند ہے ،وزیر دفاع خواجہ آصف نے اعتراف کیا ہے کہ چار سال سے ان کی چوہدری نثار سے بول چال بند ہے ۔انہوں نے ایک نجی ٹی وی چینل سے گفتگوکرتے ہوئے کہاکہ میں کوئی بات دل میں نہیں رکھتا اور اگر بات غلط ثابت ہو جائے تو اپنے الفاظ واپس لے لیتا ہوں۔وفاقی کابینہ کے دونوں طاقتور وزیر وں میں صلح کرانے کے لیے وزیر اعلیٰ شہباز شریف کی کوششیں بھی کامیاب ثابت نہیں ہوئیں۔جبکہ خواجہ آصف نے کہاکہ ان کے وفاقی وزیراحسن اقبال سے کوئی اختلافات نہیں ہیں بلکہ احسن اقبال ان کے چھوٹے بھائی ہیں اورخواجہ آصف نے کہاکہ وہ وزیراعظم نوازشریف کے گزشتہ پچاس سال سے دوست ہیں ۔انہوں نے کہاکہ وفاقی وزراءکی لڑائی سے ملک کوکوئی نقصان نہیں پہنچے گا۔