اسلام آباد (این این آئی)پاکستان تحریک انصاف کی رہنما اور رکن قومی اسمبلی عائشہ گلہ لئی نے کہاہے کہ بچپن سے بے نظیر بھٹو میری آئیڈیل تھیں ¾ میری ایک تقریر سے وہ اتنی متاثر ہوئیں کہ مجھے اپنی بیٹی بنا لیا ¾انہوںنے میری تعلیم کی ذمہ داری بھی اٹھانے کی کوشش کی لیکن میرے والد آمادہ نہیں ہوئے ¾تحریک انصاف آنے والے وقت میں حکومت کومزید ٹف ٹائم دے گی ۔ایک انٹرویو میں انہوںنے کہاکہ ایک مرتبہ میں نے بے نظیر بھٹو کو فاٹا کی صورتحال بتائی تو ان کی آنکھوں میں آنسو آگئے لیکن اسی سال ان کی شہادت ہوگئی جس کے بعد حالات تبدیل ہوگئے اور جو لوگ بی بی کے قریب تھے انہیں فراموش کر دیا گیا فاٹا میں بھی عوام کو اعتماد میں لئے بغیر فیصلے کئے جانے لگے کسی نے ہماری آواز نہیں سنی جس پر میں نے پیپلز پارٹی سے مایوس ہو کر آل پاکستان مسلم لیگ میں شمولیت اختیار کرلی جس سے چھ ماہ وابستہ رہی اور اس کے بعد عمران خان نے جب شمالی وزیرستان میں لانگ مارچ کا اعلان کیا تو میں تحریک انصاف میں شامل ہوگئی مجھے کم عمر ترین رکن اسمبلی ہونے کا اعزاز حاصل ہے انہوںنے اس مقام تک پہنچنے کےلئے میرے والد نے سب سے زیادہ سپورٹ کی جبکہ میری والدہ نے تربیت میں اہم کر دارادا کیا میری بہن ماریہ طور پکئی بچن سے ہی لڑکوں کے ساتھ سکواش کھیلتی تھیں آج وہ ملک کی بہترین کھلاڑی ہیں ۔ایک اور سوال پر انہوںنے کہاکہ خیبر پختون خوا میں خاصی تبدیلی آ چکی ہے اب وہاں روائتی سیاست کا خاتمہ ہو رہا ہے پہلے عوام کو نوکری کےلئے سیاسی جماعتوں کے دفاتر کے چکر لگانا پڑتے تھے اور ارکان اسمبلی بھرتیاں کرتے اور نوکریاں بیچتے تھے لیکن اب ایسا نہیں ہوتا ۔