لاہور(نیوزڈیسک) پنجاب حکومت نے عید الضحیٰ کے موقع پر کالعدم جہادی و مذہبی تنظیموں پر کسی بھی قسم کے کیمپ لگانے اور قربانی کے جانوروں کی کھالیں جمع کرنے پر پابندی عائد کر دی ۔ اس سلسلہ میں محکمہ داخلہ کی جانب سے صوبہ بھر کے تمام انتظامی و پولیس حکام کے نام جاری مراسلہ میں کہا گیا ہے کہ حکومت کے علم میں ےہ بات لائی گئی ہے کہ بعض مقامات پر مختلف کالعدم جہادی و مذہبی تنظیموں نے نام بدل کر عید الضحیٰ کے موقع پر قربانی کے جانوروں کی کھالیں جمع کرنے کی حکمت عملی مرتب کی ہے لہٰذا عید قربان کے مو قع پر ایسے عناصر پر کڑی نظر رکھی جائے
مزید پڑھئے:پاک فوج کا میجروطن پر قربان ہوگیا
اور ان کے کیمپ نہ لگنے دیئے جائیں۔ مراسلے میں کہا ہءکہ اگر کسی جگہ پر زبردستی قربانی کی کھالیں وصول کرنے کی اطلاع موصول ہو تو ذمہ داران کے خلاف فوری کاروائی عمل میں لائی جائے ۔اس کے علاوہ متعلقہ حکام کو یہ بھی ہدایت کی گئی ہے کہ کالعدم قرار دی گئی مذہبی و جہادی تنظیموں کی سرگرمیوں پر کڑی نظر رکھی جائے اور انہیں کسی بھی طرح کیمپ لگانے یا قربانی کی کھالیں جمع کرنے کی اجازت نہ دی جائے ۔
