کراچی(نیوزڈیسک)احتساب عدالت نے کرپشن کیس میں پیپلز پارٹی کے سابق صوبائی وزیر علی نواز شاہ اور ان کے دوساتھیوں کو قید و جرمانہ کی سزائیں سنا دیں۔علی نواز شاہ، خادم علی شاہ اور امتیازعلی شاہ پر زمینوں کی خرید و فروخت کے دوران سرکاری خزانے کو کروڑوں روپے کا نقصان پہنچانے کا الزام تھا۔احتساب عدالت نے زمینوں کی خرید و فروخت میں کرپشن ثابت ہونے پرسابق صوبائی وزیر علی نواز شاہ کو 5سال، پی پی کے رہنما خادم علی شاہ کو 4 اور امتیاز علی شاہ کو 3 سال قید کی سزا سنادی۔دوسری جانب ترجمان نیب کا کہنا ہے کہ علی نواز شاہ، خادم علی شاہ اور امتیازعلی شاہ ضمانت پر تھے تاہم عدالتی فیصلہ آنے پر انہیں گرفتار کرلیا گیا ہے۔واضح رہے کہ علی نواز شاہ پر الزام تھا کہ انہوں نے اپنے ساتھیوں کے ساتھ مل کر کسانوں سے سستے داموں زمین خریدی اور اسے سرکار کو مہنگے داموں فروخت کی