کراچی(نیوزڈیسک) نیشنل ایکشن پلان پر ’’ایپکس کمیٹی ‘‘ کے اعلیٰ سطح اجلاس میں وزیراعظم نواز شریف کے لئے دواہم جماعتوں پیپلز پارٹی و حکومت سندھ اور متحدہ قومی موومنٹ کی شکایات کو دور کرنا مشکل ہو سکتا ہے۔ نیشنل ایپکس کمیٹی 20نکات پر عمل درآمد کے لئے بعض اہم فیصلے کرے گی جبکہ اعلیٰ انٹیلی جنس ایجنسیوں کے سربراہان موجودہ حالات پر پریزینٹیشن دیں گے، آج کے اجلاس میں شمالی وزیرستان، کراچی اور بلوچستان میں آپریشن خصوصی موضوع ہوں گے، لیکن وزیراعظم کو کراچی میں میڈیا ورکرز پر حملوں میں اچانک اضافے کو نظرانداز نہیں کرنا چاہئے،روزنامہ جنگ کے تجزیہ کارمظہرعباس کے مطابق نواز شریف کے لئے یہ محض قومی سلامتی کا معاملہ نہیں اور اسٹیبلشمنٹ صورتحال کو کیسے دیکھتی ہے بلکہ پی پی اور ایم کیو ایم کے ساتھ بڑھتی سیاسی کشیدگی پر قابو پانا نواز شریف کے لئے ایک امتحان ہو گا۔ ن لیگ کی حکومت نے تحریک انصاف کے سوا کسی بڑی اپوزیشن کے بغیر اپنی نصف مدت پوری کر لی ہے، اگر معاملات کو سیاسی انداز میں نہیں سنبھالا گیا