پشاور(نیوزڈیسک)خیبرپختونخوامیں زرعی انقلاب لانے کی تیاریاں،خیبرپختونخواحکومت نے صوبے کے بنجرزمینوں کوآباد کرنے کےلئے سولرٹیوب ویل لگانے کااعلان کیا ہے ، چھوٹے کسانوں میں صوبائی حکومت کی جانب سے تین ارب روپے کے اعلی قسم کے بیچ اور کھاد مفت تقسیم کئے جائیںگے۔کینٹ روم میں پریس کانفرنس کرتے ہوئے صوبائی وزیرزراعت اکرام اللہ گنڈہ پور نے کہا کہ وزیر اعلی خیبر پختونخوا کی ہدایت پرصوبے بھر میں بنجر زمین کو استعمال میں لانے کے لیے سولر ٹیوب ویل لگا نے کا سلسلہ شروع ہو گیا ہے جس سے بے روز گارافراد کو روزگار کے موقع بھی فراہم ہونگے ، جبکہ بجلی کی لوڈشیڈنگ میں کمی واقعی ہوگئی۔انہوںکہا کہ چھوٹے کسانوں میں صوبائی حکومت کی جانب سے تین ارب روپے کے اعلی قسم کے بیچ اور کھاد مفت تقسیم کئے جائیں گئے جس سے تین لاکھ 26ہزار افراد مستفید ہوگئے جبکہ تیار ہونے والی فیصل حکومت پندرہ گناہ اضافے کے ساتھ کسانوں سے واپس لے گی۔انہوںنے کہا کہ ہماری کوشش ہے کہ صوبے کے کاشتکاروں کے مسائل حل کریں اورانہیں بہتربیج بھی فراہم کریں تاکہ پیداوار میں اضافہ ہوسکیں اورکاشتکاروں کے مسائل کم ہوسکیں۔