کوئٹہ(نیوز ڈیسک)کوئٹہ کے علاقے قلعہ عبد اللہ میں اینٹی نارکوٹکس فورس نے کارروائی کرتے ہوئے 8ارب روپے مالیت کی 3.3ٹن حشیش برآمد کرلی ہے۔ اینٹی نارکوٹکس فورس کے ترجمان کے مطابق یہ کارروائی کلی سلمان کی تحصیل گلستان میں کی گئی اور حشیش آبادی سے دور پہاڑوں میں ویران جگہ پر پلاسٹک کے تھیلوں میں چھپائی گئی تھی۔ اے این ایف کے مطابق یہ حشیش بیرون ملک اسمگلنگ کی غرض سے چھپائی گئی تھی جس کی عالمی مارکیٹ میں قیمت 8ارب روپے کے قریب ہے اور اس سلسلے میں منشیات برآمدگی کا مقدمہ متعلقہ تھانے میں درج کرلیا گیا ہے۔