کراچی (این این آئی) نیشنل ایکشن پلان کے تحت نیب ایف آئی اے اور رینجرز نے پیپلز پارٹی کے لیڈروں کے خلاف 5 ہزار سے زائد کرپشن کیسز تیار کر لئے۔ ذرائع کے مطابق پی پی پی کی ٹاپ لیڈرشپ کی 11شخصیات اس وقت نیب اور ایف آئی اے کے ہدف پر ہیں۔ ڈاکٹر عاصم حسین کے انکشافات کے بعد مزید بڑی مچھلیوں کو جال میں پھانسنے کے لئے جال تیار کرلیا گیا۔ معاشی دہشت گردی کرنے والوں کے سابقہ اور موجودہ سیاسی و سرکاری مرتبے کا بھی خیال نہ کرنے کا فیصلہ کرلیا گیا۔ذرائع کے مطابق ایم کیو ایم کے بعد پی پی پی کے11رہنماﺅں کے خلاف ٹیررفنڈنگ کے الزامات ہیں۔ کارروائی کے آئندہ مرحلوں میں نواز لیگ کے نامی گرامی لوگ بھی پکڑنے کا حتمی فیصلہ کرلیا گیا۔آئندہ ہفتے میں ناقابل یقین خبریں منظر عام پر آنے کا امکان ہے۔