اسلام آباد(نیوزڈیسک) برطانیہ کے سیکڑوں چھوٹے بزنس مین اور مشہور شخصیات کو وکی پیڈیا کے ’بدخصلت‘ ایڈیٹرز بلیک میل کرکے ان سے سیکڑوں پونڈ وصول کررہے ہیں۔ ’انڈپینڈنٹ‘ کے مطابق بلیک میلنگ کا شکار ہونے والوں میں ڈورسیٹ کا ایک ویڈنگ فوٹو گرافر سے لے کر شورڈچ کا ایک جیولر تک شامل ہیں ، جن سے وکی پیڈیا پر ان کے بزنس سے متعلق صفحے کو ’’محفوظ‘‘ یا اپ ڈیٹ کرنے کے لیے سیکڑوں پونڈ مانگے جاتے ہیں گذشتہ روز وکی پیڈیا نےاس فراڈیے گروپ کے خلاف ایکشن لے کر 381اکاؤنٹس بلاک کردئے ۔ تفتیش سے معلوم ہوا ہے کہ یہ اکاوٗنٹس وکی پیڈیا کے یوزر کنٹرول کررہے تھے ،جو معاوضے کے بدلے کمپنیوں اور افراد سے متعلق صفحات میں تبدیلیاں کرنے کی پیش کش کرتے تھے فراڈیوں کی اصل شناخت ابھی تک معلوم نہیں ہو سکی یہ فراڈیے افراد یا کمپنیوں کے ویب پیچ ہٹاکر مطلع کرتھے کہ آپ کا صفحہ وکی پیڈیا انتظامیہ نے حد سے زیادہ پروموشنل مواد کی بنا پر منسوخ کردیا ہے، اور پھر صفحہ بحال کرنے کے لیے سیکڑوں پونڈ کا تقاضا کیا جاتا تھا اور بعض کیسوں میں انٹرنیٹ پر صفحہ برقرار رکھنے کے لیے ماہانہ معاوضہ طے کیا جاتا تھا۔ یہ فراڈیے خود کو وکی پیڈیا کا ایڈمنسٹریٹر یا ایڈیٹر ظاہر کرتے تھے۔