لاہور (نیوزڈیسک)پنجاب کے صوبائی وزیراشفاق سرورنے صفائیاں پیش کرناشروع کردیں،صوبائی وزیر محنت وانسانی وسائل راجہ اشفاق سرور نے کہا ہے کہ کوئی بھی محب وطن پاکستانی کسی بھی سطح پرعرصہ دراز سے ملک کی جڑوں کو اخلاقی ومعاشی طور پر کھوکھلا کرنے والے کرپشن کے ناسور کی حمابت نہیں کر سکتا،بعض قومی اخبارات میں کرپشن کے حوالے سے ان سے منسوب جملوں کی اشاعت پر اپناموقف بیان کرتے ہوئے انہوں نے کہاکہ ایک ذمہ دار پاکستانی شہری اور دیرینہ سیاسی کارکن ہونے کی حیثیت سے انہوں نے ہر سطح پر اورہمیشہ کرپشن کی مذمت کی ہے جبکہ گزشتہ روز سیکرٹری الیکشن کمیشن سے ملاقات کے بعد میڈیا کے نمائندوں سے غیر رسمی گفتگو کرتے ہوئے ان کے منہ سے ”سہواً“ جملہ ادا ہو گیاتھا جس کوسیاق وسباق سے ہٹ کر شائع کر دیا گیا جبکہ زبان کی لغزش کو اس طرح اچھالنے کی بجائے نظر انداز کیا جانا مثبت رد عمل ہوتا۔صوبائی وزیر نے کہا کہ ہمیں اپنی آنے والی نسلوں کے آگے جوابدہ ہونا ہے اور ہم اپنے ملک سے کرپشن کے ناسور کا خاتمہ کئے بغیر عالمی طور پر ملک کی سربلندی کی توقع کیسے رکھ سکتے ہیں۔انہوں نے کہا کہ وہ روز اول سے حکومت پاکستان کی طرف سے ملک بھر میں کرپشن کے خاتمے کے لئے شروع کی گئی مہم اور قومی اداروں
