اسلام آباد(نیوز ڈیسک) عمران خان کی دوسری شادی کو ابھی8 ماہ ہی گزرے ہیں کہ انکی اہلیہ ریحام خان کے اہلخانہ کی عمران خان کی سابقہ بیوی جمائما گولڈن سمتھ سے لڑائی شروع ہوگئی ہے۔ برطانوی اخبار ڈیلی میل کی ایک رپورٹ کے مطابق ریحام خان کے کزن نے نام ظاہر نہ کرنے کی شرط پر کہا ہے کہ ریحام خان کے بارے میں میڈیا میں آنے والی منفی خبروں کے پیچھے جمائما گولڈ سمتھ کا ہاتھ ہے۔

مزید پڑھئے: بھارت کی اشتعال انگیزی خطے کے امن کےلئے خطرہ ہے ،نوازشریف

ریحام خان کے کزن نے جمائما پر مزید الزامات عائد کرتے ہوئے کہا کہ وہ عمران خان سے شادی کے بعد ریحام خان سے حسد میں مبتلا ہیں اور وہ نہیں چاہتیں کہ ریحام کی شادی کامیاب ہو، اسی لیے اس نے ریحام خان کی کردارکشی کی مہم شروع کر رکھی ہے اور ہم ان کے اقدامات سے پوری طرح آگاہ ہیں۔ انہوں نے کہا کہ عمران اور ریحام اپنی شادی شدہ زندگی میں بہت خوش ہیں اور عنقریب ریحام ایک انٹرویو میں اپنے اوپر عائد کیے گئے تمام الزامات کے جواب دیں گی۔ دوسری طرف جمائماگولڈ سمتھ کی طرف سے ریحام خان کے کزن کے عائد کردہ الزامات کی سختی سے تردید کی گئی ہے۔

مزید پڑھئے: مشرف اسحاق ڈار کو وزیراعظم بناناچاہتے تھے : ڈاکٹر شاہد مسعود کا دعویٰ

جمائما کے ترجمان نے کہا ہے کہ جمائما اپنے سابق شوہر کی ہر طرح سے مدد کر رہی ہیں اور وہ چاہتی ہیں کہ ان کی نئی شادی کامیاب ہو۔اس خبر پر تاحال ریحام خان کا ذاتی طورپر کوئی موقف سامنے نہیں آسکا۔