پیر محل(نیوز ڈیسک)پیر محل واقعہ میں پولیس نے مزید تین افراد کو گرفتار کرلیا ۔ زیر حراست افراد مین دو پراپرٹی ڈیلر اور مکان کا ضمانتی شامل ہیں ۔ ذرائع کے مطابق گذشتہ روز پیر محل میں ایک دہشتگرد نے گذشتہ روز تین گھنٹے پولیس کیساتھ مقابلے کے بعد اپنے آپ ، بیوی اور دوبچوں کو دھماکے سے اڑا لیا تھا ۔ بیوی اور دوبچے موقع پر ہلاک ہوگئے جبکہ دہشتگرد ہسپتال میں ہلاک ہوا تھا ۔ واقعہ کے بعد پولیس نے گذشتہ روز مالک مکان کو حراست میں لیا گیا تھا ۔ ذرائع کے مطابق واقعہ کا تاحال مقدمہ درج نہیں ہوسکا ۔