کراچی(نیوزڈیسک) ڈاکٹرعاصم حسین کی اہلیہ کا آئی جی سندھ کو خط،سنگین صورتحال کی نشاندہی کردی،خط میں آئی جی سندھ کو مطلع کیا گیاہے کہ ڈاکٹر عاصم بلڈ پریشر اور شوگر کے مریض ہیں جس کے باعث انہیں مسلسل دواﺅں اور نگہداشت کی ضرورت ہوتی ہے۔ خط نجی ہسپتال کے لیٹر ہیڈ پر لکھا گیاہے۔کرپشن کے الزام میں حراست میں لئے گئے ہائرایجوکیشن سندھ کے چیئرمین اور سابق وفاقی وزیر پٹرولیم ڈاکٹرعاصم حسین کی اہلیہ نے شوہر سے ملاقات اور ان کے طبی معائنے کے حوالے سے آئی جی سندھ کو خط لکھاہے ۔ تفصیلات کے مطابق خط کے متن میں کہاگیا ہے کہ یہ ان کا حق ہے کہ ان کو بتایا جائے کہ ان کے شوہرکہاں اورکس حالت میں ہیں اوران کا تعلق تعلیم یافتہ اور قانون پسند گھرانے سے ہے۔