اسلام آباد(این این آئی)رکن قومی اسمبلی شیر افضل مروت نے بانی پی ٹی آئی کی رہائی کیلئے اکیلے احتجاج کا اعلان کر دیا۔میڈیاسے گفتگوکرتے ہوئے شیر افضل مروت نے کہا کہ وہ پرامن احتجاج کے ذریعے عمران خان کے حق میں آواز بلند کریں گے۔
انہوںنے کہاکہ پولیس کی کیا مجال کے وہ میرا راستہ روکے؟ میں پرامن احتجاج کروں گا اور عمران خان کے حق میں آواز بلند کروں گا۔انہوںنے کہاکہ وہ ظلم کے سامنے نہ جھکیں گے اور نہ ہی خاموش رہیں گے،اگر ان کا راستہ روکا گیا تو وہ اپنے آئینی حق کیلئے کھڑے ہوں گے۔شیر افضل مروت نے کہاکہ احتجاج کے دوران وہ عوام کو آگاہ کریں گے کہ حقیقی آزادی کیلئے عمران خان کیوں ضروری ہیں اور کیوں ان کی رہائی ملک کے مستقبل کیلئے ناگزیر ہے۔
