پشاور(نیوزڈیسک)پشاور میں نیب نے پبلک ورکس ڈپارٹمنٹ کے تین افسران کو گرفتار کرلیا ، گرفتار افراد پر واٹر سپلائی اسکیموں میں 19 کروڑ روپے کی کرپشن کا الزام ہے۔ گرفتار افسران میں ایکسیئن ن محمد آصف، اسسٹنٹ ایگزیکٹیو انجینئر افتخار اللہ اور ایس ڈی او عبدالوہاب شامل ہیں۔ نیب حکام کے مطابق ملزمان نے اپردیر میں واٹر سپلائی کی مختلف اسکیموں میں 19 کروڑ روپے کی بے ضابطگیاں کی ہیں۔ واٹر سپلائی اسکیموں کے ٹھیکے دار ریاض شعیب کو بھی حراست میں لے لیا ہے۔ ملزمان کا جسمانی ریمانڈ حاصل کرنے کے لیے کل احتساب عدالت میں پیش کیا جائے گا۔